戴口罩戴咗起碼半年，唔知道大家覺得最困擾嘅情況係咩呢？
對我嚟講皮膚狀態差咗都唔係最困擾，起碼可以用控油、深層清潔產品去紓緩、改善。
最困擾嘅係返工戴起碼8個鐘口罩焗到臨收工就好易覺得唔舒服，有時遇著要搭好搖嘅車或者身處空氣唔流通嘅環境真係會覺得頭暈。
同大家分享少少：今日遇著公司壞冷氣，戴住口罩開工真係焗到好暈，下午去睇醫生，醫生話有打過化療嘅人，整體器官功能會打折扣，加上大多數女生血氣不足，血同氧氣容易輸送唔到去腦部，所以容易出現不適反應。
只好提自己多休息、工餘時間留喺屋企，減少戴口罩嘅機會、食多啲溫和嘅補血氣食品吧。